Krisi politikoa puri-purian da berriro Ukrainan: Legebiltzarra bertan behera utzi eta hauteskundeak aurreratzen dituen dekretua plazaratu du bart Viktor Jushtxenko presidenteak, eta legebiltzarkidegehienek eta Viktor Janukovitx lehen ministroaren gobernuak -Jushtxenkoren aurkari politiko nagusia da Janukovitx- ez dute onartu erabaki hori. Legebiltzarrak zein Gobernuak lanean jarraituko dutela iragarri dute, harik eta Auzitegi Konstituzionalak presidentearen erabakiari buruzko iritzia ematen duen arte. Izan ere, dekretua Konstituzioaren kontrakoa dela salatu dute.
Jushtxenkok aldiz, Janukovitxen eta hark gidatzen duen koalizioaren jarduna "demokraziaren kontrakoak" direla iritzita erabaki du Legebiltzarra eta Gobrernua desegitea. 2004ko Iraultza Laranjaren bidez abian jarritako "erreforma demokratikoak" bertan behera uzten ari direla salatu du Jushtxenkok, berari presidente gisa dituen botereak kendu nahi dizkiotela.
Jushtxenkok zein Janukovitxek kalean mobilizatzera deitu dituzte beren jarraitzaileak.
Krisia Ukrainan, Legebiltzarrak eta Gobernuak Jushtxenko presidenteari aurre egitean
Parlamentua bertan behera utzi eta hauteskundeak aurreratu ditu bart dekretu bidez, baina legebiltzarkideek eta Viktor Janukovitx lehen ministroak ez dute erabakia onartu. Auzitegi Konstituzionalak iritzia eman arte lanean jarraituko dutela iragarri dute.
Iruzkinak
Ez dago iruzkinik
Ordenatu
