Irakeko polizia iturriek adierazi dutenez, lau soldadu eta bi zibil hil eta dozena bat lagun zauritu dira bonba-autoz egindako hiru erasoetan. Baina Kirkuk eta Huejako (Irak) erietxeek adierazi dutenez, erietxera gutxienez 14 gorpu eta 26 zauritu eraman dituzte.
Hiru erasoak ia une berean gertatu dira; zortzi minutuko denbora tartean egin dituzte. Eraso honen helburua, Irakeko segurtasun indarren hiru kontrol gune izan dira.
Irak mendebaldean estatubatuarren erasoa
Rawan (Irak) berriz, soldadu estatubatuarrek egindako airezko bonbardaketan, gutxienez zazpi irakiar hil dira.Irakiar telebistak jakitera eman duenez, erasoa gaur goizean gertatu da eta hiru etxebizitza eta lantegi bat suntsitu ditu.
irak
Lau eraso egin dituzte Iraken; gutxienez 21 lagun hil eta 26 zauritu dituzte
Gutxienez 14 hildako eta 26 eritu izan dira Irakeko Hueja herrian, Irakeko erresistentziak bonba-autoz egindako hiru eraso ezberdinetan. Bestalde, =i Al Sharquija =i telebistak jakitera eman duenez, Irak mendebaldean gutxienez zazpi irakiar hil dira soldadu estatubatuarrek egindako airezko bonbardaketa batean.
Iruzkinak
Ez dago iruzkinik
Ordenatu
