Gutxienez lau palestinar hil ditu gaur goizean Israelgo Armadak. Haaretz egunkariak dioenez, hildakoak milizianoak ziren eta tiroketa izan dute Israelgo soldaduekin. Israelek bart arratsean Gaza bonbardatu ondoren gertatu da tiroketa. Israelgo hedabideen arabera, Hamas Erresistentzia Islamikoaren Mugimendua izan du helburu arratseko erasoak.
Goizeko tiroketari dagokionez, berriz, Israelgo Armadak erran du miliziano palestinarren erasoa gibelera botatzea lortu dutela, eta ez dela soldadurik zauritu bertan. Bertzalde, Yihad Islamikoak adierazi du bere milizianoetako batzuek tiroketan parte hartu dutela.
mundua
Lau palestinar hil ditu Israelgo Armadak
Goizean tiroketa izan du miliziano palestinarrekin. Bart arratsean, berriz, Gaza bonbardatu du.
Iruzkinak
Ez dago iruzkinik
Ordenatu
