Ekialde Hurbila

Laukoteak dirulaguntzen truke jarritako baldintzek "Israelen okupazioari zilegitasuna" ematen diote palestinarren Gobernuaren ustez

Hauteskundeak irabazi eta PAN Palestinako Aginte Nazionaleko Gobernura Hamas iritsi zenean palestinarrak dirulaguntza gabe utzi zituen Laukoteak (NBE, Europako Batasuna, AEB eta Errusia). Dirulaguntza horiek berriro ematea erabaki du bart, baina horren truke zenbait baldintza jarri dizkio PANi. Baldintza horien bidez Laukoteak "Israelen okupazioari zilegitasuna" ematen diola iritzi dio Ismael Hania PANeko lehen ministroak (Hamas).

2006ko maiatzaren 10a

10:24

Entzun 00:00:00 00:00:00

Finean, errezeloz hartu du Haniak laukotearen erabakia. Izan ere, hiru baldintza ezarri dizkio laukoteak PANen menpeko165.000 funtzionarioen soldatak ordaintzeko dirua jasotzearen truke: batetik, Israelgo Estatua onartzea; bestetik, Hamasen adar armatu Azedin al Kasem batailoiak desarmatzea; eta, hirugarrenez, 1993ko Osloko Hitzarmenak betetzea. Gainera, laukoteak dirua ez lioke Hania lehen ministroaren Gobernuari emango, baizik eta PANeko presidente eta Al Fatako buruzagi Mahmud Abbasi. Haniak eta Abbasek agiriko enfrentamenduak dituzte elkarren artean.

Horren guztiarne ondorioz, Haniak eta haren Gobernuak susmo txarrez hartu dute Laukotearen eskaintza.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak