Ekialde Hurbila

Libanoko Armada hasi da hegoaldean bere indarrak zabaltzen

NBE Nazio Batuen Erakundeko 1701 ebazpena betez, Libanoko Armadako soldaduak hegoaldeko lurretan zabaltzen hasi dira; hau da, Hezbola gerrilla nagusi den lurretan. Guztira 15.000 soldadu bidaliko ditu Libanoko Gobernuak Litani ibaiaren hegoaldera, eta Hezbola gerrillari eustea eta Israelekin enfrentamendurik gerta dadin eragoztea izango da beren lana.

2006ko abuztuaren 17a
10:38
Entzun 00:00:00 00:00:00
LBC Libanoko telebistak dagoeneko eman ditu Libanoko Armada Litani ibaiaren hegoaldeko herrietan sartzen erakusten duten irudiak. Guztira 15.000 soldadu bidaltzea erabaki zuen atzo Beiruteko Gobernuak, baina lehen epean 2.000 izango dira Hezbola gerrilla xiita nagusi den lurretan sartuko diren soldaduak. Libanoko Armadak NBEren tropen laguntza izango du etorkizunean milizianoen eta Israelgo Armadaren arteko enfrentamenduak oztopatzeko lanean.

Libanoko Armadak Litani gainean behin-behineko zenbait zubi eraiki behar izan dituzte hegoaldeko herrietarairisteko, gerrak iraun duen bitartean Israelek sarbide guztiak suntsitu baitzituen.

Aukeratu BERRIA gogoko iturri gisa Googlen. Aktibatu hemen

Iruzkinak
Ez dago iruzkinik

Ordenatu
0/500
Gehien irakurriak
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA
Egin zure ekarpena