Libiako matxinoek hiri bat hartu dute herrialdearen mendebaldean

Azken asteetan Libiako matxinoak indarberritu egin dira. Mendebaldean, erregimenak setiatutako Misrata hiriaz landa, bertze hainbat tokitan hasi dira berriro borrokak, eta horietako batean, Kikla hirian —Tripolitik 150 kilometrora—, Muammar Gaddafiren aldeko indarrak bidaltzea lortu dute. Az Zintanen, berriz, azken egunetan 11 miliziano hil dira, Al Jazeeraren arabera.

Ekialdean, Brega herria dute jomuga —hor dago bi aldeen arteko muga—. Matxinoek jakinarazitakoaren arabera, igandean NATOk sei miliziano hil zituen Gaddafiren aldekoak zirelakoan, eta astelehenean, 22 gehiago hil ziren erregimeneko indarren segada batean.