Israelgo lehen ministroaren plan hori oso urrun dago PAN Palestinako Aginte Nazionalarekin, nazioarteko bitartekaritzaren laguntzaz, hitzartutako Errepide Mapa izeneko bake planetik. Hala ere, George Bushen AEBetako Gobernuaren babesa jaso du.
Likudeko kideen gehiengoa egitasmoaren kontra agertu den arren, eta koalizio hori Israelgo alderdi nagusia dela onartuagatik, "Israel Likudek ordezkatzen duena baino zabalagoa" dela esan du gaur Yosef Lapid Justizia ministroak, eta, ondorioz, Sharonen Gobernuak egitasmoarekin aurrera segituko duela hori delako israeldarrak palestinarren indarkeriatik babesteko bide egokiena. Sharonek bereak ez du adierazpenik egin; hain zuzen ere, bere ingurukoei utzi die ez duela dimititzeko asmorik eta planarekin aurrera segitzekotan dela jakinarazteko ardura.
PAN Palestinako Aginte Nazionalak, berriz, Errepide Mapara itzul dadila eskatu dio.
Ekialde Hurbila
Likudek bere plana atzera bota arren, ez duela dimitituko iragarri du Sharonek
Ariel Sharon Israelgo lehen ministroa egoera gaitzean da bere alderdiak, Likudek, deskonexio plana atzera bota ondoren, baina, hala ere, ez duela dimitituko jakinarazi du, eta, halaber, egitasmoarekin aurrera jarraituko duela. Sharonen deskonexio planak Gazako kolono juduen erretiratzea aurreikusten du, baina, era berean, Zisjordaniako asentamenduak indartzea. Halaber, Palestinako Estatuaren sorrera ukatzen du. Likud alderdiaren barruan egindako galdeketan, bozen %59,9 Sharonen egitasmoaren kontrakoa izan da. Hala ere, Likud alderdi bat baino ez dela, eta Israel hori baino askoz ere zabalagoa dela argudiatu dute Sharonen ingurukoek planarekin aurrera segitzeko.
Iruzkinak
Ez dago iruzkinik
Ordenatu
