Mexikoko Poliziak ikasle bat zauritu du tiroz

MEXIKO HIRIA. Manifestazio batean parte hartzen ari ziren ikasleen aurka tiro egin zuen joan den astean Poliziak, Ciudad Juarezen, eta haietako bat larri zauritu. Lekukoen arabera, segurtasun indarrek nahita egin zuten tiro; Poliziak, baina, ukatu du halakorik. Bestalde, datu ofizialen arabera, urria izan da orain arteko hilabete odoltsuena Ciudad Juarez hirian. Orotara 350 lagun hil zituzten.