Mladic aurkitu behar duen taldeko buruak dimititu du

BELGRAD. Justizia aspalditik dabil Ratko Mladic ustezko gerra kriminalaren atzetik. Jugoslaviako gerran egindakoagatik atxilo dezaten agindu dio hainbatetan Hagako auzitegiak Serbiari; baina orain arte ez dute haren arrastorik aurkitu. Atzo, gainera, Mladic aurkitzeaz arduratzen den gobernuko koordinazio taldeko buruak dimisioa eman zuen. Ahaleginak eginda ere, emaitzarik ez dutelako izan utzi du kargua.