Atentatua Pakistanen

Musharraf presidentearen aurkako ekintza egin zuen hiru suizidetako bat identifikatu dute

Pervez Musharraf Pakistango presidentearen aurka atzo egin atentatu saiakeran hildako hiru suizidetatik baten nortasuna argitzea lortu du Pakistango poliziak, Barne Ministeritzako iturriek jakinarazi dutenez. Faisal Saleh Hayat Barne Ministroak Al Kaeda erakundea atentatu horren atzean egon daitekeela aipatu zuen atzo. Abenduaren 14an beste atentatu egin zuten presidentearen aurka Rawalpindi eta atzokoarekin hamaika egunen barruan jasan duen bigarrena izan da. Atzoko atentatu suizidan 14 lagun hil eta 46 zauritu ziren.

2003ko abenduaren 26a

12:46

Entzun 00:00:00 00:00:00

Faisal Saleh Hayat Barne Ministroak gaur Islamabad hiriburuko parlamentuan adierazi duenez, atzoko atentatuaren egileetako baten gorpua identifikatzea lortu dute, "baina segurtasun kontuak direla medio ezin dugu izenik aipatu".

Musharraf presidenteak berak atzoko atentatua gertatu eta ordu gutxira eskaini zuen prentsaurrekoan "Pakistan extremistez garbitu behar dugu, eta kosta ala kosta terrorismoaren aurkako borrokan jarraituko dugu".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak