Iraken inbasioa

Najafeko ekintza militarrak bertan behera utzi dituzte AEBek, baina ez dira erretiratu

AEBetako Armadak Najafeko ekintza militarrak bertan behera utzi ditu, baina, hala ere, oraingoz ez dute hiriaren inguruan ezarritako hesia kenduko. Hala jakinarazi du Mark Kimmitt jeneral estatubatuarrak. Moktada Al Sadr buruzagi xiitak egindako su-eten eskaintzari erantzunez hartu du AEBetako Armadak Najaf hiriko santuan ekintza militarrak bertan behera uzteko erabakia. Najafen ez ezik, Kufan eta Kerbalan menia emateko prest dagoela agertu du Al Sadrek. Hiri horiek santuak dira xiitentzat, eta azken asteetan borroka gogorrak izan dira soldadu estatubatuarren eta milizianoen artean.

2004ko maiatzaren 27a

18:02

Entzun 00:00:00 00:00:00

Zenbait buruzagi erlijiosoren bitartekaritzari esker lortu da Moktada Al Sadreren aldeko milizien eta AEBetako Armadaren arteko su-eten hasiera. Nolanahi ere, Kimmitt jeneralak zehaztu du erasorik jasotzen badute eurek ere armekin erantzungo dutela.

"Faluja hiri gatazkatatsuko egoera baretu zuen su-etenaren antzeko baldintzak ari gara Najaferako negoziatzen", adierazi du Kimmittek. Falujan borroka handiak izan zituzten AEBetako indarrek milizianoekin, baina han oldartu zirenak sunitak ziren.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak