NATOk hamar zibil hil dituela salatu du Afganistango Gobernuak

Karzai presidentearen arabera, erasoaldia Kunarren egin dute, eta zortzi ume badira biktimen artean

Erredakzioa
2009ko abenduaren 29a
00:00
Entzun
Afganistango presidente Hamid Karzaik berriz ere salatu zuen atzo herrialdean zabaldutako nazioarteko indar militarrek sarraskia egin zutela zibilen artean. ┬źNazioarteko indarrek Kunar probintzian eginiko eraso olde batean hamar zibil hil dira, tartean zortzi adingabe; hala jartzen dute agerian jaso ditugun lehen datuek. Gertaera hauek bipil gaitzesten ditu presidentetzak, eta ikertzaile talde bat bidali dugu bertara, gertatutakoaren nondik norakoak argitzeko┬╗.

NATO Ipar Atlantikoko Itunaren Erakundeko ISAF indar armatuko buruzagiek gezurtatudute erasoaldia egin zutela Kunar probintzian, larunbatean. Alabaina, izena eman nahi izan ez duen ISAFeko militarburu batek zehaztu du Ameriketako Estatu Batuetako armadako unitate bereziek operazioak egin dituztela azken egunotan Afganistan eta Pakistanen arteko mugaldean.

Karzaik lehenago ere salatuizan ditu nazioarteko tropek Afganistango zibilen artean eginiko sarraskiak. Abendu honen 8an, esaterako, ISAFek zortzi zibil hil zituela jakinarazi zuen. Kunarren gertatutakoaz protesta egiteko, Afganistango Legebiltzarreko diputatu andanak eztabaida saioa utzi zuen atzo.
Gaiak
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.