NATOren esku hartzea Libian

•Martxoak 19. Nazioarteko koalizioaren aire erasoak hasi ziren, AEBen gidaritzapean

•Martxoak 31. Eraso militarraren ardura NATOk hartu zuen.

•Apirilak 5. Matxinoen buruzagi militarrak NATO kritikatu zuen, eraso gutxiegi egiten zituela erranez.

•Apirilak 8. Aliantzak bortz matxino hil zituen Bregan, Gaddafiren aldekoak zirelakoan.

•Apirilak 15. AEBek, Erresuma Batuak eta Frantziak adierazi zuten Muammar Gaddafik boterea utzi arte segituko zutela NATOren erasoek.

•Apirilak 30. Gaddafiren seme Saif al Arab eta diktadorearen hiru biloba hil zituen aliantzak bonbardaketa batean.

•Maiatzak 31. Libiako erregimenak salatu zuen NATOk 718 zibil hil zituela erasoak hasi zituenetik.

•Ekainak 1. Libiako operazioa 90 egunez luzatuko zuela jakinarazi zuen NATOk.