Nazioartearen esku hartzea Libian

•Otsailaren 28a. Erresuma Batuko lehen ministro David Cameronek aire eremuaren debekua ezartzeko aukera aipatu zuen. AEBek gerraontziak bidali zituzten Libiako itsasora.

•Martxoaren 17a. NBEren Segurtasun Kontseiluak Libiako esku hartzea baimentzeko 1973 ebazpena onartu zuen.

•Martxoaren 19a. Erregimenaren aurkako nazioarteko koalizioak lehen erasoak egin zituen. Frantziako hegazkinek egin zituzten lehen bonbardaketak. AEBek hartu zuten eraso militarraren zuzendaritza.

•Martxoaren 29. Nazioarteko koalizioa Londresen elkartu zen. Libiarako Harremanetarako Taldea eratzea onartu zuen. Operazioaren buruzagitza politikoa hartu zuen talde horrek.

•Martxoaren 31. NATOk operazio militar osoaren ardura hartu zuen.

•Apirilaren 5a. Matxinoen buruzagi militarrak NATO kritikatu zuen, eraso gutxiegi egiten zituela erranez.

•Apirilaren 13a. Nazioarteko koalizioaren Harremanetarako Taldeak lehen bilera egin zuen Qatarren. Matxinoak finantzatzea erabaki zuen.

•Apirilaren 15a. AEBek, Erresuma Batuak eta Frantziak adierazi zuten Muammar Gaddafik boterea utzi arte jarraituko dutela NATOren erasoek.