NBEk dio tortura oraindik aski zabalduta dagoela

NBEren ordezkari berezi Manfred Nowakek ia bi aste eman ditu Txinan, torturaren inguruko ikerketa egiten. Salatu duenez, zenbait funtzionariok trabak jarri dizkiote lanean. Nolanahi ere, txostena atondu du eta, bertan nabarmendu duenez, oraindik «zabalduta» dago tortura Txinan, nahiz eta hirietan gutxitzen ari den.

Pekinek 1996an debekatu zuen torturaren erabilera, baina giza eskubideen aldeko erakundeek salatu izan dute atxilotuen aitorpenak lortzeko oraindik baliatzen dutela polizia indarrek. Nowaken esanetan, poliziek aitorpenak lortzeko agintariek eginiko presioek zerikusia dute torturaren erabileraren iraupenean. Azaldu zuenez, baliatzen dituzten metodoen artean tortura psikologikoa dago. «Justizia independentea ahalbidetuko duen lege erreforma handiak egin arte Txinak ezingo du torturaren arazoa kontrolpean eduki».