Barack Obama Ameriketako Estatu Batuetako (AEB) presidentetzarako alderdi demokratako hautagaia larunbatean Afganistanen izan zen, ezustean egindako bisitan, eta gaur Iraken da. Bagdad hiriburura heldu da, eta segituan AEBetako enbaxadara joan da, segurtasun arrazoiak medio. Bisita, ordu batzuetakoa baino ez da izango. 2006an ere izan zen Iraken, AEBetako Senatuko ordezkari zenbaitekin.
Irakeko Gobernuko arduradunekin bilduko da, baita AEBetako armadako buruzagiekin ere. Obamak, AEBetako hauteskundeak irabazten baditu, bere herrialdeko armada hamasei hilabeteetan Iraketik ateratzeko konpromisoa agertu izan du. Hark dioenez, bere eginkizun nagusietako Al Kaedaren eta Afganistango talibanen kontra egitea izango da. Izan ere, haren ustez, orain arte AEBek Iraki garrantzi handiegia eman diote eta, horrela, Afganistango egoerak "okerrera" egin du.
Hainbat herrialdera egingo duen bira hasi du alderdi demokratako politikariak eta, besteak beste, Israel, Jordania, Frantzia, Alemania eta Erresuma Batuan izango da.
Azaroaren 4an izango dira AEBetako hauteskundeak eta John McCain da beste hautagaia, alderdi errepublikarrekoa. George Bush errepublikarraren lekua hartuko du bietako batek.
Mundua
Obama Iraken da
AEBetako presidentetzarako alderdi demokratako hautagaiak armada hamasei hilabeteetan Iraketik ateratzeko konpromisoa du. Larunbatean Afganistanen izan zen.
Iruzkinak
Ez dago iruzkinik
Ordenatu
