Bi hilabete daramatza Barack Obamak Ameriketako Estatu Batuetako (AEB) presidente karguan, krisi ekonomikoa izan du orain arte lehentasun, hartu ditu neurri batzuk, eta "aurrerapen zantzuak" ikusten dituela adierazi du gaur. "Hala ere, krisia gainditzeko denbora asko pasatuko da eta denen arteko lankidetza beharko da".
Besteak beste, 787.000 milioi dolarreko plan bat onartu du, ekonomia pizteko asmoz, eta 3,6 bilioi dolarreko aurrekontua dauka. Oposizioak kritikak egin dizkio, defizit fiskala urtebetean 1,845 bilioi dolarretan handituko delakoan. "Defizita jaisteko modurik onena, ordea, hazkunde ekonomikora eramango gaituen aurrekontua izatea da. Hau da, gastuaren eta maileguen arotik, aurrezpen eta inbertsioen arora pasatuko gara", esan du Obamak.
Energia berriztagarrietan inbertitu nahi du AEBetako Gobernuak eta petrolioarekiko "menpekotasun txikitu".
Presidente denetik -urtarrilaren 20tik- bigarren prentsaurrekoa eman du, Washingtonen, eta telebista kateek zuzenean eskaini dute.
Ameriketako Estatu Batuak
Obamak "aurrerapen zantzuak" ikusten ditu ekonomian
AEBetako presidentearen ustez, hala ere, "krisia gainditzeko denbora asko pasatuko da" oraindik. "Gastuaren eta maileguen arotik, aurrezpen eta inbertsioen arora pasatuko gara". Kargua hartu zuenetik bigarren prentsaurrekoa eman du bart.
Iruzkinak
Ez dago iruzkinik
Ordenatu
