Koronabirusaren pandemiak utzi duen irudietako bat da: era guztietako pertsonak elkar agurtzen bata bestearen ukalondoak edo ukabilak ukituz. Bada, orain, hori egitea ere ez dela gomendagarria berretsi du Tedros Adhanom Ghebreyesus Osasunaren Mundu Erakundeko zuzendariak, ez delako segurtasun distantziarik mantentzen, eta azalaren bidez kutsatzea posible delako.
Gaiak zeresana eman du sare sozialetan. Ghebreyesusek berak pandemiaren hasieran (martxoaren 7an) idatzi zuen Twitterren gaiari buruz: «Jendea agurtzean, hobe da ukalondoekin ez agurtzea, ez baita metro bateko distantzia mantentzen. Nik nahiago dut eskua bihotzean jarriz agurtu». Atzo, gauza bera dioen mezu bat birtxiokatu zuen.
La #OMS desaconseja saludar con el codo: lo mejor es llevarse la mano al corazón. El director de la OMS, @DrTedros, rechaza este saludo porque no se guarda la distancia de seguridad y puede haber transmisión del virus a través de la piel pic.twitter.com/eRn1Q57K2F
— Dɪá´Â€ɴá´Â€ OÊ€á´Â›á´Â‡ɢá´Â€ (@DianaOrtegaG) September 13, 2020
Beraz, OMEren gomendioa ez da berria, baina zeresana eman du gaiak, eta sare sozialetan bat baino gehiago ausartu da alternatibak proposatzera. Ghebreyesusek esan bezala eskua bihotzean jar daiteke, Asian egin ohi duten namaste agurra egin daiteke, hala besterik gabe burua altxatuz agur daiteke. Nafarroako Gurutze Gorriak, adibidez, zeinu bidezko hizkera gomendatu du.
La #OMS recomienda no saludarse a través del choque de codos, para seguir manteniendo la distancia de seguridad.
— Cruz Roja Navarra (@CruzRojaNavarra) September 13, 2020
¿Y si, en su lugar, usamos en lenguaje de signos? Más elegante e inclusivo, ¿no te parece? pic.twitter.com/pzmjkBQYlY
Izan dira gomendioa serio hartu ez dutenak, baita aurkako jarrera erakutsi dutenak ere. Besteak beste, Onintza Enbeitak uztailean BERRIAn idatzi zuen kontaktuaren beharraz: «Badakit birusa airean dabilela, eta ezin ditudala gauza irrazionalak esan etengabe, baina nik ez dut pertsonengandik urrunduko nauen normaltasunik nahi».
