Oposizioko hiru kurdu atxilotu ditu Siriak

DAMASKO. Siriak Jekiti alderdi kurduko hiru kide atxilotu ditu, Giza Eskubideen Behatokia gobernuz kanpoko erakundeak jakinarazi duenez. Hassan Sale, Maruf Mula Ahmed eta Mohamed Mustafa dira atxilo hartu dituzten oposizioko hiru kideak. Duela hiru aste alderdi horrek biltzarra egin zuen Siriaren menpeko Kurdistango auziari irtenbidea emateko; Siriaren barrenean eskualde autonomoa sortzearen aldeko da Jekiti.