Paraguai AEEtik kanporatu edo ez aztertzen ari dira

WASHINGTON. AEE Amerikako Estatuen Erakundeko kide diren hainbat herrialdek Paraguai AEEtik kanporatzeko eskatu dute, herrialdeko krisi politikoagatik. Jose Migel Insulza AEEko idazkari nagusia kanporatzearen aurka azaldu da, eta txosten bat aurkeztu du Paraguain bozak egin arteko prozesu politikoa zaintzeko misioa igortzeko. AEEko herrialde gehienek denbora eskatu dute proposamena aztertzeko.