Paramilitar xiitak Irakeko Tikrit hiritik atera dira, gobernuarekin hala hitzartuta

BAGDAD. «Gaur gelditu dira herritarren jabetzen aurkako zakuratzeak eta bandalismoa, eta gauzak hobetzen ari dira», adierazi zuen atzo Ahmed al-Kraim Irakeko Saladin probintziako gobernadoreak. Talde paramilitar xiitek Tikrit hirian izandako jokabideaz ari zen. Miliziek akordioa egin dute gobernuarekin hiritik erretiratzeko. Estatu Islamikoaren aurkako borrokan tropa gehienak miliziano xiitak ziren.