"Hartuko ditut manifestazio baketsuetako liderrak, sindikatuetakoak eta herri elkartetakoak, guztien gogoeta eta esperientzien beharra baitaukagu", esan du Dilma Rousseff Brasilgo presidenteak. Bide batez, azken egunetan izan diren indarkeria ekintzak gaitzetsi ditu. Atzo MPL Baimen Librea Mugimenduak (MPL) protestak gelditu zituen eta "talde eskuindarren infiltrazioak" salatu zituen; manifestazioak euren interesetarako erabiltzen ari direla esan zuten.
Rousseffek, baina, manifestazioen "izaera demokratikoa" azpimarratu nahi izan du. Ostegunean 1,2 milioi pertsona manifestatu ziren herrialde osoan garraio publikoaren prezioaren igoeraren aurka. Presidenteak gaineratu du Parlamentuko ordezkariekin, botere judizialekoekin, gobernadoreekin eta alkateekin ere bilduko dela garraioaren inguruan plan nazional bat egiteko.
