Carles Puigdemont Kataluniako presidente kargugabetuak Kataluniako Parlamentuaren gaurko inbestidura saioa izan du hizpide, Helnsinkin, hedabideen aurrean egin dituen adierazpenetan. Puigdemontek ziurtatu du parlamentuak "ardura" handia duela gaur, eta herritarrek aindu "argia" emana diotela: "independentziaren aldeko gehiengoaren presidente bat" inbestitzea".
Helburu hori lortzeko, "eragile guztiak une historiko honek eskatzen duen maila" ematea espero du presidente kargugabetuak. "Zuzenbide estatu baten muga guztiak gainditu dituen estatuari" aurre egiteko eskatu die parlamentuko taldeei.
Auzitegi Gorenak Jordi Turull espetxeratzeko aukeraz galdetuta, Puigdemontek nabarmendu du "hanka sartze larria" litzatekeela estatuaren aldetik. Neurri "surrealista" litzateke, gainera, haren esanetan.
Hainbat diputatu finlandiarrekin bildu da Puigdemont Finlandiako parlamentuan. Baita Laguntasuna Kataluniarekin hainbat alderdirako parlamentarik osatzen duten taldearekin ere.
