Carles Puigdemontek ez du onartu Kataluniako Gobernuko presidente ohiei dagokien pentsioa, Kataluniako "presidente zilegia" dela deritzolako. Hala jakinarazi dute hainbat hedabide kataluniarrek. Era horretan, Puigdemontek agerian utzi du ez dituela onartzen Espainiako Gobernuak konstituzioaren 155. artikuluaren bidez hartu dituen neurriak.
Madrilek nabarmendu zuen Puigdemontek pentsioa onartuko balu, 155.aren aplikazioari men egingo liokeela.
Generalitateko presidente ohiei 112.000 euro inguruko pentsioa dagokie urtean.
Albistea jakitera eman eta gutxira, Montorori zuzendu zaio Puigdemont Twitter bidez. "Estatuak erakundeak eta herritarrak umiliatzeko makina izaten jarraitzen du. Montorok bere denbora bideratu beharko luke bankuen erreskatean barkatutako dirua berreskuratzera", adierazi du.
L'Estat continua sent una màquina d'humiliar institucions i ciutadans. Montoro hauria de dedicar el seu temps a recuperar els diners perdonats del rescat bancari https://t.co/1dBbn4Gb57
— Carles Puigdemont 🎗 (@KRLS) 22 de noviembre de 2017
