Quitok Londresi ohartarazi dio enbaxadan ez sartzeko

QUITO. Rafael Correa Ekuadorko presidenteak esan du ekintza «suizida» litzatekeela Erresuma Batuko Polizia Quitok Londresen duen enbaxadara sartzea. Horrek Erresuma Batuaren mundu osoko enbaxadetara sartzeko baimena ematea esan nahi lukeela esan du. Suediak, berriz, adierazi du Julian Assange ez dutela estraditatuko, haren bizitza arriskuan ikusiz gero.