François Baroin izendatu dute Frantziako Barne ministro berri, Nicolas Sarkozyren partez aritzeko. Presidentetzarako aurkeztuko da Sarkozy (UMP), apirilean izango da lehen itzulia eta horietarako "buru-belarri" prestatzeko utzi du kargua.
41 urte ditu Baroinek eta Itsasoz Gaindiko Gaietarako ministroa izan da orain arte. Haren lekua Herve Maritonek hartu du.
Xavier Bertrandek ere utzi egin du Osasun eta Elkartasun ministerioko agintari postua, bera ere erabat hauteskundeetara begira jartzeko Sarkozyri laguntzeko, eta Phillipe Basek ordezkatu du. Gizarte Segurantzako arduraduna da Bas, eta lan horietan ere jarraituko du.
Frantzia
