Hainbat soldadu huthi hil dira bart Taizen Yemengo hego-ekialdean huthien kontrolpeko kuartel bat bonbardatu eta gero. Sanan arma biltegi bati egin diote eraso, eta Aden kostako hirian ere eraso diete huthien kokalekuei. Saudi Arabiak zuzentzen duen koalizioak egin ditu erasoak. Hain zuzen, atzo iragarri zuen koalizioak eten egingo zituela aire erasoak.
Joan den martxoaren 26tik airetik bonbardatu dituzte huthien (matxino xiiten) posizioak, Sendotasun Ekaitza operazioaren barnean. Yemen mendebaldeko hiri nagusiak bonbardatu dituzte, Sana hiriburua barne. Hori bukatutzat eman eta aurrerantzean Itxaropenaren Itzulera abiatuko dute Yemenen.
Koalizioaren eledun Ahmed Al-Asiriren arabera, Yemenen berreraikuntza eta "gatazkaren irtenbide politikoa" izanen dituzte helburutzat; su-etenik ez dutela ezarriko zehaztu zuen.