Ehundaka pertsona izan dira Iruñako kanposantuan Karmele Solagurenen omenez egin den ekitaldian. Ohorezko aurreskua dantzatu diote, ikurriña eta lore sorta kutxa gainean zituela.
Ekain Gerra euskal presoari ordu laurdenez bere amaren hil kutxa ondoan egoten utzi diote. Eskuburdinak jarrita eduki dute denbora osoan, eta bi aldiz ireki diote hil kutxa. Oso hunkituta egon da Gerra. Orain, Alcala Mecoko espetxera daramate, berriz ere.
Datorren ostiralean Barañainen greba orokorra egiteko deia egin du ezker abertzaleak, etaelkarretaratzeak egingo dira Euskal Herriko herri guztietan, Karmele Solagurenen heriotza salatzeko.
Solagurenen heriotza
Solagureni azken agurra egin diote, semea alboan zuela
Karmele Solaguren heregun hil zen Madrilgo (Espainia) Alcala Meco espetxera bere seme Ekain Gerra bisitatzera zihoala, istripuz. Gaur, erraustu behar zuten haren gorpua, baina bihar erraustuko dute gaur jai delako. Azken agurra egin diote gaur, Ekain Gerra han izan da, baimen berezi batekin. Ordu laurdenez utzi diote amaren gorpuaren ondoan egoten. Espainiako Poliziak beilatokia eta hilerria inguratuta izan ditu. Gerra, Alcala Mecoko espetxera eramango dute orain, berriz ere. Ostiralerako greba orokorra deitu dute Barañainen, eta abenduaren 19an omenaldia egingo diote Solagureni herri hartan bertan.
Iruzkinak
Ez dago iruzkinik
Ordenatu
