Iraken dituen soldaduak martxoaren amaiera baino lehen etxeratuko dituela iragarri zuen atzo Ferenc Gyurcsany Hungariako lehen ministroak. «Hauteskundeak egiten diren arte geratuko gara han. Hortik aurrera politikarien esku geratuko da herritarren segurtasuna». Irakeko Ohoretsuen Brigadek Guardia Nazionaleko hiru kideri lepoa moztu zietela iragarri zuen atzo, Al Jazeera telebistak zabaldutako mezuaren bidez. Estatu Batuetako Armadarako espioi lanetan aritu izana leporatu zieten. Horrez gain, beste irakiar bat hil zuela esan zuen atzo Jish Al Ansar Al Sunna erakundeak (Sunnaren Jarraitzaileen Armada).
Beste zazpi atzerritar bahitu zituzten atzo: Irakeko Garraio Ministerioan lan egiten duen estatubatuar-libanoar bat, Filipinetako kontulari bat eta Jordaniako lau kamioi gidari. Jordaniako Gobernuko bozeramaileak bahituak askatzeko ahal duen guztia egingo duela iragarri zuen.
IRAKEKO OKUPAZIOA
Soldaduak erretiratuko dituela esan du Hungariak
Iruzkinak
Ez dago iruzkinik
Ordenatu
