Sudango presidente Omar al Bashir atxilotzeko agindu du gaur NZA Nazioarteko Zigor Auzitegiak. Hagan (Herbehereak) egoitza duen auzitegiaren esanetan, Sudango Darfur eskualdeko gatazkan "gizateriaren aurkako krimenak" egin edo egiteko agindu du Sudango presidenteak.
Agintean den buruzagi baten kontrako lehenbiziko atxiloketa agindu du hala NZAk.
Sudango armadak eta honen aliatuek, janjauid miliziek Darfurko talde matxinoen kontrako gerra eta erasoetan ehunka mila lagun hil dituzte, eta bi milioi lagun desplazatu eta errefuxiatu eragin dituzte 2003an gatazka piztu zenetik. Janjauid miliziei (jatorri arabiarrekoak, gehienbat) zibilen kontrako hamaika eraso eta sarraski egin izana leporatzen diete giza eskubideen aldeko erakundeek.
Mundua
Sudango presidentea atxilotzeko agindu du Nazioarteko Zigor Auzitegiak
Darfurko gatazkan "gizateriaren aurkako krimenak" egin izana leporatzen dio Omar al Bashirri Hagan egoitza duen auzitegiak.
Iruzkinak
Ez dago iruzkinik
Ordenatu
