TANKEAK RIO DE JANEIROKO 'FAVELETAN'

Brasilgo Rio de Janeiro hirian ez da giro asteburutik. Polizia hiriko 28 faveletan sartu da narkotrafikoari aurre egiteko asmoz, baina hangoen indar erakustaldia handia izan da; orotara 55 auto erre eta, honez gero, 30 lagun hil dira liskarretan -beste 200 lagun atxilotu dituzte-. Vila Cruceiro en la Penha favela arriskutsuan tankeak sartu zituzten atzo: aurreneko aldia da kaleetara horrelako auto militarrak atera dituztela, 50 kalibreko metrailadoreak eta guzti -irudian-. 2016ko Olinpiar Jokoak hiri hartan egingo dira, eta narkotrafikatzaileen eskuetan dauden kaleen eta auzoen segurtasuna bere gain hartu nahi du gobernuak.