Iraken okupazioa

Tortura kasuak "arbuiagarriak" direla esan du Bushek, eta egileek Justiziaren aurrean erantzun beharko dutela

AEBetako eta Erresuma Batuko soldaduek preso irakiarrei egindako torturak direla-eta, praktika horiek "arbuiagarriak" direla adierazi du George Buhs Estatu Batuetako presidenteak, eta, halaber, tratu txar horien egileak "Justiziaren aurrera" eramango dituztela. Arab TV telebista kate arabiarrari egin dizkio Bushek adierazpen horiek. Izan ere, Agerian geratu diren tortura kasuek Koalizioko indarrak kinka larrian jarri dituzte, eta irudia hobetzeko saioa egiten ari da AEBetako Gobernua. Tortura kasu horiek ez daukatela berak ezagutzen dituen AEBekin zerikusirik nabarmendu du Bushek.

2004ko maiatzaren 5a

17:53

Entzun 00:00:00 00:00:00

Estatu Batuetako presidenteak bi telebista kate arabiarreri elkarrizketak eskaini dizkie gaur, eta, halaber, bere Gobernuko beste zenbait kidek adierazpenak egin dituzte komunikabide arabiarretan agerian geratu diren tortura kasuek sor diezaizkieten arazoak konpontze aldera.

"Egia jakin nahi dugu. Ikerketak egingo dira, eta arduradunak Justiziaren aurrera eramango ditugu. Ez dugu ezer ezkutatzeko", azpimarratu du.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak