Turkiako mugan erasoaldiarekin jarraitzeko asmoa du Siriako armadak

Jisr al Shagur hiria herenegun kontrolpean hartu zuen armadak, baina, hala ere, Turkiako mugako operazioa ez du bukatutzat eman. Hurrengo erasoa hegoalderago, Maarat al Numan hirian, egiteko asmoa du erregimenak, BBC kateari armadako jeneral batek adierazi dioenez. Asteburuko erasoalditik ihesi «talde armatuak» hiri horretan babestu direla dio jeneralak.

Gatazkatik ihesi Turkiara jo duten errefuxiatuak, berriz, 10.000 dira, NBEk dioenez. Herenegun bertan, Jisr al Shagurko erasoaldia bukatu zen egunean, mila gehiago iritsi ziren. Bertze ehunka muga inguruan daude, Siriako armadak zer eginen zain.