Ugandako Poliziak bi lagun hil ditu protestetan

KAMPALA. Ugandako Poliziak tiro egin die gobernuaren aurkako manifestariei, eta bi lagun hil ditu. Azken asteetan ugaritu egin dira Yoweri Museveniren aurkako protestak, oinarrizko gaien prezio igoera dela-eta. Musevenik 25 urte daramatza boterean. Horretaz gain, Poliziak oposizioko burua, Kizza Besygie, atxilotu du. Laugarren aldia da azken hilabetean.