Ukrainako Legebiltzarrean bilera ez-ohikoa egiten ari da. Lehen bilera egin zen asteartean, baina honetan oposizioko diputatuek bakarrik zuten parte hartu, Viktor Justxenko presidente kargura izendatzeko. Gaurko bileran, aldiz, Legebiltzarrean ordezkatuta dauden alderdi politiko guztiek parte hartuko dutela iragarri dute.
Legebiltzarreko presidente Vladimir Litvinek esan duenez, legebiltzarrak "bere gain hartu behar du herrialdean sortu den egoeraren inguruko balorazioa egitea".
Ukraina
Ukrainako Legebiltzarrak bozketen emaitzak baliogabetzat jo ditu
Ukrainako Legebiltzarrak onartu duenez, joan zen igandean egin ziren hauteskundeetan "irregulartasunak" egin ziren, eta "emaitzek ez dute herritarren borondatea guztitz erakusten". Beraz, botazio horren emaitzak baliogabetzat jo dituzte. Izan ere, ez-ohiko bilera egin dute gaur, hauteskundeen ondoren sortutako krisia nola gainditu aztertzeko. Legebiltzarraren inguruan oposizioko jarraitzaile andana egon da bilera jarraitzen, horretarako jarri dituzten bozgorailu eta pantailetatik. Legebiltzarrera 450 diputatutik 428 joan dira.
Iruzkinak
Ez dago iruzkinik
Ordenatu
