Yemenera itzultzeko eskubidea ukatu diote matxino xiitek Hadi presidenteari

SANA. Mohammad al-Bukhaiti Yemengo matxino xiiten buruzagietako batek «traidore» deitu dio Abd Rabu Mansur Hadi presidenteari, eta erbestetik itzultzeko eskubidea ukatu dio. Gainera, Saudi Arabiari exijitu dio bonbardaketak «baldintzarik gabe» eteteko. Jamal Benomar Nazio Batuen Erakundearen bitartekariak kargua utzi du, elkarrizketak berriro hasteko ahalegin guztiek huts egin ondoren.