Al Jazeera telebista kateak zabaldu duen bideo batean, Yemengo armadako buruetako batek bat egin du azken asteetan herrialde horretan aldaketa demokratikoak eskatzeko hainbat pertsona egiten ari diren protestekin. Mohamed Ali Mohsen du izena, eta jenerala da. Bideoan dioenez, "herriarekin eta haren eskaerekin" bat egitea erebaki du, lehenago ere Libian beste militar buru batzuek egin zuten moduan.
Gainera, albiste agentzien arabera, hiru jeneralek gaur bertan Ali Abdala Sale presidentearen aginduak baztertu eta herritarrak babestera bidali dituzte soldaduak. Libiako gertakariek beste herrialde batzuetako protestak itzalean utzi badituzte ere, Yemenen errepresioarekin ari zaie erantzuten Ali Abdala Sale presidentea protestagileei, eta hainbat pertsona hil dira. Atzo, gobernua kargutik kendu zuen Salek, protestak lasaitzeko asmoz, baina Ali Mohsenen erabakiarekin indartu egingo da oposizioaren mugimendua.
