Castejongo zentraletako baten baimena, baliogabe

Duen zentral termikoa handitzeko Elerebro enpresak jasotako baimena da epaileek atzera bota dutena

Erredakzioa -

2011ko otsailak 13

Madrilgo Justizia Auzitegi Nagusiak bertan behera utzi du Espainiako Gobernuak Elerebro enpresari Castejonen (Nafarroa) duen zentral termikoa handitzeko emandako baimena. Halaxe ezagutarazi du herri horretako Termiko Gehiagorik Ez plataformak, ohar baten bidez. Elkarte horrek aurkeztutako helegitea aintzat hartu dute Madrilgo epaileek, eta, zehazki, Espainiako Meategi eta Energia Politikako Zuzendaritza Nagusiak eta Merkataritza, Turismo eta Industria Idazkariordetzak Elerebrori bigarren zentrala egiteko emandako baimenak utzi dituzte indarrik gabe.

Ez da proiektu horrek kontra jasotzen duen lehendabiziko sententzia. 2007. urtean, Nafarroako Gobernuak zentrala handitzeko emandako ingurumen baimena bertan behera utzi zuen Nafarroako Justizia Auzitegiak. 2008an, berriz, auzitegi berak Nafarroako Gobernuak Elerebroren bigarren zentrala egiteko proiektua udalez gaindiko eragina zuen ekimentzat jotzeko hartutako akordioaren kontra ebatzi zuen.

Bi sententzia horietan epaileek agerian utzi zuten zentrala herrigunetik 2.000 metro baino hurbilago zela. Hala eta guztiz ere, Nafarroako Gobernuak ez zuen atzera egin. Are gehiago, 2008ko azaroan Nafarroako Gobernuko Etxebizitza eta Lurralde Antolamenduko kontseilari Jose Carlos Esparzak berak erran zuen Castejongo zentralei ez zietela baimena kenduko.

Castejonen 2002. urtean jarri zen martxan Elerebroren lehendabiziko zentral termikoa, eta handik urtebetera gauza bera egin zuen Iberdrolak. Martxan jarri zuen berea. Laster, bi zentralak handitzeko proiektuak jarri zituzten enpresek mahai gainean. Eta laster, herritarren oposizioarekin eta epaitegien erantzunarekin egin zuten topo.

Iberdrolaren proiektua

Orain arte, Elebroren zentrala handitzeko proiektua izan da urrats gehien egin duena. Izan ere, hainbat sententzia aurka izan arren, martxan da une honetan. Iberdrolak, ordea, hagitz mantso egin du aurrera azken urteotan bere zentrala handitzeko egitasmoarekin. Asmo horrek, hala ere, Nafarroako Gobernuaren baimena jaso zuen joan den urtarrilean.

Iberdrolak oraindik ez du eraiki bere bigarren zentrala. Elerebrok Castejonen dituen biak martxan daude, ordea. Madrilgo Justizia Auzitegi Nagusiak plazaratu duen azken sententziak ondoriorik izanen duela espero dute Termiko Gehiagorik Ez plataformako kideek. «Zentralak legez kanpo eraiki dituztenek ezin izanen dute, orain arte bezala, epaileen erabakien ondorioak ezkutatzen jarraitu», azpimarratu dute.

Bihar, jendaurrean agerraldia eginen dute, Iruñean, sententzia modu sakonagoan aztertzeko asmoz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna