Noiz sortua: 2010-12-23 00:30:00

Hondurasko estatu kolpearen egileek kontuak eman ez izana salatu du HRWek

Manuel Zelayaren aurka abiarazitako bi prozesuak baliogabetzeko eskatu du haren defentsak

Erredakzioa -

2010eko abenduak 23
2009an Hondurasen jazo zen estatu kolpearen arduradunek gaurdaino kontuak eman ez izana salatu du HRW Human Rights Watch giza eskubideen aldeko erakundeak. Era berean, kazetari, giza eskubideen defendatzaile eta ekintzaileen aurka egiten dituzten erasoak gelditzeko eskatu dio Hondurasko Gobernuari.

Bestalde, estatu kolpe bidez kanporatu zuten Manuel Zelaya presidente ohiaren defentsa abokatuek, bere aurka, ustelkeria delituak egotzita abiarazitako bi prozesuak bertan behera uzteko eskatu dute. Izan ere, abokatuen hitzetan, prozesu horien bermeak bortxatu dituzte. Besteak beste, Zelayaren defentsa eskubidea ez dela bete diote.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna