Noiz sortua: 2014-03-01 00:30:00

ETAren desarmatzea. Ondorena

Harremanetarako Taldea galdekatu du Frantziako Poliziak Baionan

Currin, Hazan, Kendall, Casale eta Spektorowski libre utzi zituzten Parisko Levert epailearen aginduz galdekatu ostean

Harremanetarako Nazioarteko Taldea eta egiaztatzaileena nahasi ditu Poliziak
Brian Currin eta haren taldeko kide batzuk, atzo, Baionan, Paul Rios eta Xabi Larralderekin.
Brian Currin eta haren taldeko kide batzuk, atzo, Baionan, Paul Rios eta Xabi Larralderekin. AURORE LUCAS

Aitor Renteria -

2014ko martxoak 1

Haserre eta harriturik sartu ziren Baionako polizia etxera Harremanetarako Nazioarteko Taldeko kideak. Brian Currin, Silvia Casale, Pierre Hazan, Raymond Kendall, Alberto Spektorowski eta Nuala O'Loan Baionako polizia etxera deitu zituzten, Parisko Laurence Levert epailearen aginduz. O'Loan ez zen agertu, ez baitzen Baionan. Sartu bezala, haserre eta harriturik atera ziren handik. «Oraindik ez dut ulertzen zergatik galdekatu gaituzten; harrigarria da», erran zuen Hazanek, abantzu hiru oreneko galdeketaren ondoren.

Arratsaldeko bostak inguru heldu ziren nazioarteko eragileak polizia etxera. Kanpoan, eragile ugari bildu zen haien sostenguz: hala nola Paul Rios Lokarriko koordinatzailea, Anaiz Funosas Bake Bideako eleduna, Jean Rene Etxegarai Baionako auzapezordea, Jean Lissar Berdeetako kidea, Jakes Bortairu ABkoa, Peio Dufau CGTkoa, Kotte Ezenarro Kontseilu Nagusiko presidenteordea, Xabi Larralde Sortukoa eta Sylviane Alaux Frantziako diputatua. Polizia etxera hurbiltzen saiatu zirelarik, bidea moztu zien poliziak. Eztabaida baten ondoren, polizia etxera sartzen utzi zuen lau pertsonaz osaturiko ordezkaritza. Hastapenean sartu ziren Alaux, Etxegarai, Ezenarro eta Larralde. Azken horri ez zioten sartzen utzi polizia etxeko atarian, eta Christophe Desprez Ipar Euskal Herriko Giza Eskubideen Ligako presidentea sartu zen haren ordez.

Luze bezain antzu

Bi oren eta erdiko galdeketaren ondotik atera zen Hazan. Jakinarazi zuen bi txandatan galdekatu zituztela: lehenean, Kendall, Currin eta Hazan bera, eta ondotik, Casale eta Spektorowski. Xehetasun gutxi zuen emateko. Galdeketak luze jo zuela erran zuen irria ezpainetan, Frantziako Poliziak ez zuelako lortzen informatika sistema martxan jartzerik. Baina ironiaren ondotik, jakinarazi zuen Poliziak nahasi zituela HNTko kideak eta egiaztatzaileen taldeko kideak. Galdeketa antzua izan zela errepikatu zuen, ETArekin loturarik ote zuten jakin nahi zuelako Poliziak.

«Erran diet, eta gainerateko kideek ere horrela adieraziko dute, Harremanetarako Taldeak ez duela neholako loturarik ETArekin, ez zuzenean, ez zeharka». Hiru aldiz errepikatu zuen hori.

ETAri buruz deus ez dakitela nabarmendu zuen. «Poliziaren helburu bakarra zen ETAko norbait ezagutzen ote dugun jakitea, eta haien argazkiak erakutsi dizkigute. Behin eta berriz ezetz erran ondotik, argazkiei begiratu diet kuriositatez; bistan da, nehor ezagutu gabe».

Hazanen ondotik atera ziren Currin eta Kendall, eta laster Casale eta Spektorowski. Guztien iritziz, Egiaztatzaile Batzordearekin nahasi ditu Poliziak.

Galdeketa nork burutu zuen itauntzean, ez zekiela erantzun zuen Hazanek. Galdeketa egin zuten bi poliziak Paristik jinak zirela jakinarazi zuen. «Terrorismo aferak» kudeatzen dituen Levert epailearen agindua zeukatela zehaztu zuen.

Kanpoan ere, harridura izan zen nagusi. Poliziak deitu ez zituen Aaro Suonio HNTko kidea eta Berghof Fundazioko Veronique Dudouet ere polizia hesiaren aitzinean egon ziren.

Atzoko galdeketari eman ahal zaion erantzunik egokiena gaur Bake Forumak emanen diola erran zuten eragileek, adierazpen publikorik egin gabe. Bake Bideak, Lokarrik eta Paue-Aturrialdeko unibertsitateak osorik atxiki dute egitaraua. Laurehun tokiak hartuak daudela jakinarazi zuten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Abian da itxialdiaren bigarren arindua

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste bi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste bi kasu atzeman dituzte Bizkaian PCR proben bidez, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Aitor Renteria

Informazio osagarria