Albistea entzun
Emakumeen aurkako indarkeriari ez
Emakumeen aurkako indarkeriari ez

Seaskako ikastola sarea babesteko, jendetza nahi dute bildu gaur Hendaian

Tren geltokitik 17:00etan hasiko da martxa; bertan izango dira AB, ezker abertzalea, EAJ, EA, Aralar, Alternatiba, ELA eta LAB

Suprefetura aitzinean protesta eginen dute astelehenean, Dallenesek gibelera egin ezean
Seaskaren eta Hendaiako auzapezaren agerraldia, astelehenean.
Seaskaren eta Hendaiako auzapezaren agerraldia, astelehenean. GAIZKA IROZ

Erredakzioa -

2013ko otsailak 2 - Baiona

Baionako suprefetak eragindako haserreak eta arrangurak bat eginen dute gaur Hendaian, Lapurdin, arratsaldeko bostetatik goiti eginen duten manifestazioan. Ikasleak euskaraz hazten eta hezten Seaskak egiten duen lana sostengatzeko eta laguntza publikoak behar dituela aldarrikatzeko, tren geltokian jarria dute ordua. Gaurkoaz gain, astelehenean elkarretaratzea eginen dute Baionan, Suprefeturaren aurrean. Aste honetan Paxkal Indo Seaskako lehendakariak erran duenez, «eginkizun publikoa» baitute, laguntza publikoak behar dituztela aldarrikatuko dute.

Ez du hala uste Baionako suprefetak, eta ataka estuan jarri ditu Ipar Euskal Herriko ikastolak. Joan den astean Hendaiako herriko etxera igorri zuen gutuna, eta bertako ikastola handitzeko proiektua diruz ez laguntzeko agindu zion Battitta Salaberri auzapezari, 1850eko lege batek agintzen baitie erakunde publikoei hezkuntza pribatua ez laguntzeko.

Astelehenean prentsaurrekoa eman zuten Seaskako ordezkariek, Hendaiako Herriko Etxeko arduradunek eta Hendaiako ikastolako kideek. Arrangura agertu zuten, eta Patric Dallenes suprefetari galdegin zioten gibelera egin dezala. Asteartez hitz egin zuen Dallenesek, France Bleu irratian: ikastola diruz lagunduz gero auzitara joko zuela berretsi zuen, baina herriko etxeari iradoki zion merkatuko prezioan aloka ziezaiokeela egoitza bat.

Guztiz onartezina da jarrera hori Seaskako kideentzat. Ostegunez kaleratu zuten agirian oroitarazten dutenez, «ez die Herri Urrats batek, arrakastatsuenak ere, gure ikasleen garapenak sortzen dituen gela beharrei erantzunen». Herriko etxeen ekarpenak azken urteetan emendatu badira ere ikastola gehienak «mukuru» beteak direla eta laster handitu egin beharko direla ohartarazi du Seaskak.

Ikastolak, «legearen mugan»

Dallenesek eskuetan hartu duen 1850eko legea zorrotz beteko balitz, bestalde, 30 ikastola «legearen mugan» leudeke, eta suprefetaren jarrerak euskarazko murgiltze eredua airean ezarri duela azaldu dute. Seaska osoa da arriskuan, beraz.

Horregatik, babesa ukan du gaurko Hendaian egina duten deialdiak: alderdi abertzaleek bat egin dute —ABk, ezker abertzaleak, EAk, Alternatibak, Aralarrek eta Ipar Euskal Herriko EAJk sostengatu dute manifestazioa, baita Batera plataformak ere—, sindikatuek —atzo bat egin zuten LABek eta ELAk—, herritarrek eta hautetsiek. Donostiako Udaleko eta Gipuzkoako Foru Aldundiko ordezkariek ere bertan izanen direla erran dute. Okzitaniako kalandreta ikastolen mugimenduak ere sostengatu du deialdia. Helburu batekin bilduko direla erran du Seaskak: «Ikastolen eta euskararen geroa aldarrikatuko dugu Hendaiako karriketan».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.
Juan Mari Aburto lore eskaintza egiten, atzo, Bilbon. ©BILBOKO UDALA

Frankismoak espetxeratutako andreak omendu dituzte Bilbon

Iosu Alberdi

Bilboko Udalak eta Gogora institutuak plaka bat jarri dute Orue Txaleta zegoen lekuan. Eraikin hura espetxe izan zen 1937tik 1942ra bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...