Noiz sortua: 2012-05-24 00:30:00

Adegik iragarri du aurten Gipuzkoan 4.000 lanpostu galduko direla

Atzeraldiak enpleguan nabarmen eragingo duela esan du patronalak; lau enpresatik batek langileak kaleratzeko asmoa du

Lekuan lekuko langabezia tasa adinako prezio eta soldata jaitsierak eskatu ditu

Aitziber Arzallus -

2012ko maiatzak 24

Urte «latza» iragarri zuen Adegi Gipuzkoako Gipuzkoako Enpresaburuen Elkarteak. Otsailerako aurreratu zuen Gipuzkoako ekonomia %0,5 uzkurtuko zela, enpresen %5ek ateak itxi beharko zituztela eta 1.300 lanpostu galduko zirela. Baina ekonomiaren egoerak aurreikuspenik txarrenak gainditu ditu. Lehen hiruhilekoan izan den gainbeherak urte guztirako iragarritakoa gainditu du. Eta patronalak kontuak berriz atera ditu. Orain uste du Gipuzkoako ekonomiak %1etik gorako uzkurtzea izango duela eta 4.000 lanpostu galduko direla.

Eduardo Zubiaurre Adegiko presidenteak plazaratu zituen apirilean Gipuzkoako enpresetan egindako galdeketaren emaitzak eta aurtengo aurreikuspen berrituak, kargu horretan egin zuen azken agerraldian, gaurtik Pello Gibelaldek ordezkatuko baitu.

Agurrean, oso panorama beltza marraztu zuen Zubiaurrek, itxaropenari zirrikiturik utzi gabe, datuak lagun zituela. Gipuzkoako BPG barne produktu gordinak %0,4 egin du atzera lehen hiruhilekoan eta 2008an iritsitako maila gorenetik %4,7ra dago, 2006ko mailan. «Horrek esan nahi du herrialdeak bost urte egin duela atzera, pobretu egin dela».

Ondorioz, enpresaburuek ekonomiaren bilakaeran duten konfiantza nabarmen jaitsi da, eta oraingoz ez dute egoerak hobera egingo duen itxaropenik. Horrek enpleguan nabarmen eragin du. Hamar enpresatik batek lantalde handiegia duela uste du, eta haietatik %65ek murrizteko asmoa dutela. Hots, lau enpresatik batek langileak kaleratzeko asmoa du, urtarrilean baino gehiagok, orduan bostetik bat zelako. 2009ko abendutik daturik txarrena da.

Beste horrenbeste fakturazioari dagokionez ere. Lehen hiruhilekoan Gipuzkoako enpresek %2ko jaitsiera izan dute diru sarreretan; 2009ko irailetik jaitsierarik handiena. Eta salmentetan ere okerrera egin dute, enpresa txiki askoren merkatu nagusia —Espainia— atzeraldian delako. Handik kanpora saltzen duten enpresak, baina, askoz indartsuago dabiltza. Industriako jarduerak %4ko jaitsiera izan duen arren, %15etik gorako hazkundea izan dute esportazioek, eta Gipuzkoako enpresek %10,5 gehiago esportatu dute. Datu baikor bakarra.

Zubiaurrek nabarmendu zuen une honetan enpresen kezka nagusia Espainiako ekonomiaren ahulezia dela baina ordainketak atzeratzen dituzten bezeroek eta finantzaketa lortzeko dituzten zailtasunek ere hor jarraitzen dutela. Esan zuen lan karga baduten enpresa asko ixteko zorian daudela, finantzaketarik lortzen ez dutelako.

Proposamenak

Horiek horrela, aurtengoa «sakrifiziorako eta ahaleginak egiteko urtea» izango dela adierazi, eta krisiaren kontra herrialdeko akordio zabal bat egitea proposatu zuen Adegiko presidenteak, «gure herriaren etorkizuna jokoan dagoelako». Akordio horrek zein konpromiso jaso beharko lituzkeen ere aurreratu zuen: enpresak diru publikoarekin erreskatatzeko konpromisoa, jarduera ekonomikoa bultzatzekoa eta enpresen lehiakortasuna handituko lukeen zerga sistema bat egituratzekoa, besteren artean.

Patronalaren ustetan, lekuan lekuko langabezia tasaren arabera jaitsi beharko lirateke salneurriak eta soldatak. «Lehen, lehiakortasun arazoak interes tasak jaitsita gainditzen ziren; baina, euroarekin hori egin ezin denez, kanpoko eskariaz baliatzeko barne debaluazio bat antolatu behar genuke».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Gazte bat etxean ikasten itxialdi garaian. ©Raul Bogajo / Foku

Hego Euskal Herriko biztanleen %45ek «ondoeza» sufritu dute konfinamenduan

Edurne Begiristain

Konfinamenduak herritarrengan izan dituen ondorio psikologikoak aztertu ditu EHUk zuzendutako ikerketa batek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna