Noiz sortua: 2012-04-26 00:30:00

Populismoaren kontra, Europa berri bat proposatu du Hollandek

Murrizketek Frantzian eta Europan hedatzen ari den eskuin muturreko joera elikatzen dutela ohartarazi die EBko kideei

Ekonomia hazteko proposamena aintzat hartzeko eskatu dio presidentegaiak Merkeli

Amagoia Mujika -

2012ko apirilak 26

Bere kanpainaren gai begikoenetakoari heldu dio François Hollande presidentegai sozialistak: Europari; irabaziz gero abiaraziko duen «Europa berriari». Egungo formulak, krisiaren irtenbide gisa murrizketak soilik proposatzearenak, konfiantzarik eza eta beldurra besterik ez du sortzen, haren ustez, eta beldur hori da hain zuzen, herritarrak Europatik urruntzen dituena; Frantzian eta Europa osoan hedatzen ari den eskuin muturreko joera elikatzen duena. Hollandek argi dauka: «murrizketek populismoa hauspotzen dute», eta horri bidea ixteko aspaldian proposatu dituen «neurri eraginkorrak» berretsi ditu.

Herrien arteko berdintasunean oinarritutako Europa nahi du presidentegaiak, eta Europak esku artean duen hitzarmen garrantzitsuena ez da horretarako bidea. Nicolas Sarkozyk hitzartutako Europako ituna berriz negoziatuko duela berretsi du, diziplina fiskalarekin soilik Europa ez baita haziko, ezta lanpostuak sortuko ere. «Ez dut itun fiskala berretsiko ez bada hazkunderako itun batekin osatzen».

Hollandek gogorarazi du hautatzen duten egunaren biharamunean eskutitz bat bidaliko diela Europako gobernuetako buruzagiei, besteak beste, eurobonoak eta proiektuak finantzatzeko aurreikusten dituen beste neurri batzuen inguruan. Angela Merkel Alemaniako kantzilerra kontra dagoen neurriak dira, eta hari bereziki zuzendu zaio, esanez, «kontuan har» dezala hazkundean oinarritutako proposamena.

Merkelek Hollandek bilera egiteko eskaerari uko egin zion kanpainaren hasieran, eta gainera Der Spiegel egunkariak argitaratu zuenez, hainbat gobernu kontserbadorek zuten horretarako agindua, baina Hollanderi presidente izateko aukerak handitu zaizkionetik, Merkelek harekin hitz egiteko asmoaz hitz egin dio. Hollanderen ustez, Europako kide gehienek erakutsi diote ukatu izan dioten gertutasuna: «Gobernu kontserbadore batzuetako buruzagiak ohartu dira populismoak jaun eta jabe egingo direlka Europan, ez bada hazkunderako eta justizia sozialerako bidea hartzen». Horretaz ohartzeko, joan den igandean Marine Le Pen Fronte Nazionaleko buruzagiak jaso duen boto kopuruari begiratu besterik ez dela egin behar uste du Hollandek.

«Arrazoi asko» daude haren ustez boto horren atzean, «krisi soziala eta morala», tartean. Europarenganako konfiantzarik eza da arrazoietako bat; beldurra globalizazioari, langabeziari eta zerbitzu publikoak galtzeari, eta horrek denak politikarekiko urruntasun sentimendua sortzen du. Eta frustrazioa ere badago atzean, «Sarkozyk agindutakoa bete ez» duelako.

Herritarrek bizi duten ezkortasunaren ardura handia dauka presidenteak, presidentegaiaren arabera, eta oso kezkatuta dauka gainera, Le Penen hitzak bere egiteko berriki erakusten ari den joerarekin. «Jokaera hori deitoragarria da. Etekina ateratzen badio garesti ordainduko dugu».

Afganistango tropak

François Hollandek hauteskundeen ostean Afganistanen Frantziak dituen tropak etxeratzen hasiko dela ere berretsi du: «Urte amaierarako borroka unitateak etxea izango dira. Hori da adituek diotena». Horretan ere Sarkozy kritikatu du, izan ere, urtarrilean, lau soldadu frantziar hil ostean erretiratzea agindu baitzuen. «Aspaldian proposatu nuen nik».

2001ean, talibanen eta Osama Bin Ladenen kontra borrokatzeko tropak bidaltzearen alde egin zuela gogoan izan du, baina haren ustez, hasieratik gaurdaino nazioarteko indarrak asko aldatu dira, eta orain «indar okupatzaileak» bilakatu dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Brasiliako dendetako langileak, COVID-19 proba egiteko ilaran. ©Joedson Alves / EFE

5,6 milioi gaixotu dira munduan, eta 350.000 baino gehiago hil

Berria

Munduan 5.594.175 kasu positibo baieztatu dituzte, eta 350.531 lagun hil dira COVID-19aren eraginez. Oraindik ez dira sendatu kutsatutakoen erdiak ere. Johns Hopkins Unibertsitatearen arabera, 2.288.579 dira sendagiria jaso dutenak.

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Ekonomia «modernizatzea» izango da dirua jasotzeko baldintza.

Christine Lagarde, artxiboko irudian. ©Armando Babani / Efe

Aurreikuspenik baikorrenak ahazteko eskatu du Lagardek

Iker Aranburu

Uste du euroguneko ekonomia %8-12 eroriko dela aurten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna