Albistea entzun

Egoitza alokatzea aipatu dio suprefetak udalari

Hendaiako ikastolaren auzian babesa adierazi dio Ikastolen Elkarteak Seaskari; «ahal guztiak» jartzeko hitza hartu du

Aitor Renteria - Maite Asensio Lozano -

2013ko urtarrilak 30 - Baiona - Bilbo

Batean kale, bestean bale. Hala jokatu zuen atzo Patrick Dallennes Baionako suprefetak Hendaiako ikastolaren (Lapurdi) aferan. France Bleu irratian emandako elkarrizketan iragarri zuen auzitara joko duela Hendaiako Herriko Etxeak ikastola berria eraikitzeko asmoa bere horretan atxikitzen badu. Hala ere, zirrikitu bat ireki zion proiektuari, egoitza bat merkatuko prezioan alokatzeko aukera eskaini dion herriko etxeari.

Edonola ere, Falloux Legea betearazteko borondatea duela berretsi zuen suprefetak. Alegia, diru publikorik ez dela erabiliko eskola pribatu bat laguntzeko. «Kezkatuta eta haserre» agertu zen atzo Hur Gorostiaga Seaskako zuzendaria, Dallennesen jarrerak «ikastolen garapen azkarra eta egitura osoa» oztopa dezakeelakoan. Areago, irizpidea orokortzeak «ikastolak legez kanporatzea» ekarriko lukeela ohartarazi zuen. Baita desagertzea ere: «Urtarrilean 3.000 ikaslera heldu gara gure 30 ikastoletan. Hendaiako doktrina ikastola guztietan aplikatzen bada, datorren irailean ikasle kopurua minus 3.000koa izango da, ikastolak itxi beharrean izan gaitezkeelako».

Harrituta ere bazegoen Gorostiaga. Hendaian bigarren ikastolaren beharra dagoela berretsi zuen, 250 ikasle baititu 140rako gaitasuna duen zentroak, eta, beraz, ia ehun ikasle ari dira ondoko herrian ikasten, «aterperik ez duen eraikin prefabrikatu zaharkitu batean». Bost urte eman dituzte ikastetxe berria prestatzen; beraz, ez du ulertzen zergatik datorren debekua orain, «Hollandek [Frantziako presidenteak] Hizkuntza Gutxituen Europako Agiria berresteko asmoa badu».

Bilbon egin zituen adierazpenok Gorostiagak, bihar Euskal Herriko hezkuntza sistemen etorkizuna aztertzeko ikastolek egingo dituzten topaketen aurkezpenean. Alboan zuen Koldo Tellitu, Ikastolen Elkarteko lehendakaria, eta hark sostengua adierazi zion Seaskari: «Gure baitan den Seaskaren aurka ari dena, gu guztion aurka ari da. Hau da, 50.000 ikasleren familiek, 4.000 irakaslek eta ehundik gora ikastolak osatzen duten gorputz sozialaren aurka ari da». Hartara, Iparraldeko ikastolak bakarrik ez uzteko konpromisoa hartu zuen: «Gure ahal guztiak jarriko ditugu Seaskari eta bertako ikastolei laguntzeko».

Hori dela eta, larunbatean Hendaian egingo den manifestazioan parte hartzera deitu zuen Tellituk. Hendaiako tren geltokitik abiatuko da 17:00etan, Ikastola, herri eskola lelopean. Gipuzkoako Foru Aldundiak mobilizazioarekin bat egin egin du, «larritzat» jo baitu suprefetaren erabakia: «Seaskaren eredua arriskuan jartzen du, baita euskararen jarraipena ere, Lapurdin, Zuberoan eta Nafarroa Beherean».

EAJk ere bi eskaera egin dizkio Frantziako Gobernuari: hezkuntza publikoan murgiltze sistema hedatzeko eta Falloux Legea aldatzeko. «Tokiko erakunde publikoei gaitasuna utzi behar die, sistema hori baliatzen duten eskola pribatuei laguntzeko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bilbon eguerdian egindako manifestazioa jendetsua izan da. ©MARISOL RAMIREZ / FOKU

Sindikatuen arabera, hezkuntzako greban %60ko parte hartzea izan da

Irati Urdalleta Lete Gotzon Hermosilla

Jaurlaritzak, berriz, esan du irakasleen %35,2k egin dutela greba. Langileek hezkuntza legearen aurreproiektuaren kontra egin dute, eta «hezkuntza publiko, propio eta euskalduna» aldarrikatu
Aritzetako zerbitzugune batean bota dituzte hondakinak. ©MAIALEN ANDRES / FOKU

AP-8ko zaborrak urteetan bota dituzte Usurbilgo mendialde batean, baimenik gabe

Iñaki Petxarroman Jone Arruabarrena

Kontratuaren baldintzak ez betetzea, lan baldintzei eta naturari kalte egitea, eta azpikontratetan ezkutatzea egotzi die ELAk Bidelan osatzen duten Transitia eta Campezori
Zenbait aplikazio eta streaming plataforma, artxiboko irudi batean. ©BERRIA

Euskara, pantailetan lauso

Irati Urdalleta Lete

Euskara bazterrean dago pantailetan ere: esaterako, Pantailak Euskaraz taldeak emandako datuen arabera, streaming plataformetako 26.000 edukitatik %0,1 ere ez daude hizkuntza horretan. Eskatu du legez arautzeko euskarak pantailetan izan behar duen presentzia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.