Albistea entzun

Ikusteko dago euskal Arenys de Munt izango den

Euskal Herriaren independentziari buruzko aurreneko galdeketa gaur izango da: Etxarri Aranatzen

Enekoitz Esnaola -

2014ko apirilak 13

Aurreko astean Manu Gomez Etxarri Aranazko (Nafarroa) gaurko galdeketako antolatzaile taldeko kideak zioen ez dutela kontsultaz interesa azalduz beste herrietatik deirik jaso. Euskal Herriaren independentziari buruzko aurrena izango da gaurkoa, eta antolaketa aldetik ondo irteten bada «beste herrientzat eredu» izan daitekeela dio Gomezek.

Katalunian Arenys de Munt izan zen, behintzat. 2009ko irailaren 13an egin zuten han independentzia galdeketa. Handik hiru hilabetera, beste 167 herritan egin zituzten, eta 2011ko apirilaren erdira artean 554 denera, 2,6 milioi lagunen artean; ia milioi bat lagunek bozkatu zuten, eta Kataluniaren independentziaren aldeko babesa %90 pasakoa izan zen.

Etxarri Aranatzen azken bi hauteskundeetan partaidetza handi samarra izan da: 2011ko udal bozetan %72koa, urte bereko Espainiakoetan %70ekoa. Bietan, ohi bezala, garaile nabarmen indar abertzaleak: udalekoetan, Bilduk eta NaBaik %89ko babesa —zazpi eta hiru hautetsi, hurrenez hurren, eta PPk bat— eta Espainiakoetan, Amaiurrek eta Geroa Baik %80koa.

Gaurko galdeketaren antolatzaileek hilabeteak eman dituzte protokoloa lantzen. Arenys de Munten bezala, hasieran udalak herri kontsultaren aldeko mozioa onartu zuen. Bietan, tokiko auzitegiek baliogabetu egin zuten galdeketa, udalak horretarako eskumenik ez daukala argudiatuta.

Uztailaren 2ko 6/1990 Nafarroako Foru Legeko 96. artikuluak dio udalak herri kontsultetara deitzeko aukera udalaren beraren eskumenekoak diren eta, ogasuneko kontuak salbuetsita, herritarrentzako «garrantzi handia» duten «gai lokaletan» duela. Udalak formalki babestutako galdeketan Espaniako Estatuko ordenamendu juridikoa jokoan dagoenean, Nafarroako Gobernuak baliogabetzeko eska diezaioke tokiko erakundeari, edota administrazio gaietarako jurisdikzioan inpugnatu ahal du.

Arenys de Munten, azkenean bozkalekuak kultur elkarte baten egoitzan jarri zituzten. Etxarri Aranatzen, berriz, ile apaindegi bat izandako lokalean paratuko dituzte bi mahai. Tokia alokatu egin dute antolatzaileek.

Udalbiltzaren babesa

Udalbiltza Euskal Herriko udal eta udal hautetsien biltzarrak «sostengu instituzionala» eman dio Etxarri Aranazko kontsultari. «Ariketa demokratiko osasungarri eta zilegia da. Mugarria izango da». Instituzioko lehendakari Mertxe Aizpurua han izango da gaur. Gainera, udalbiltzakide bat galdeketaren behatzaile ariko da: Inaki Irazabalbeitia Tolosako zinegotzi eta europarlamentaria. Tatjana Zdanoka eurodiputatu letoniarrak Udalbiltzak gonbidatuta jardungo du begirale.

Egitarau zabal eta guzti, prest dago «demokraziaren festa», antolatzaileek diotenez. Ikusteko dago independentziaren aldeko jaia ere izaten den, eta Etxarri Aranatz bilakatzen den euskal Arenys de Munt.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Javier Esparza izango da hirugarren aldiz eskuinaren lehendakarigai hurrengo foru bozetan. ©BERRIA

Esparza berriro izanen da hautagai foru hauteskundeetan

Joxerra Senar

Kontseilu Politikoko kideen %91ko babesarekin, aise irabazi dio lehia Juan Miguel Rubio beste hautagaiari, eta foru hauteskundeetan eskuinaren zerrendaburu izango da berriz ere

EH Baiko bozeramaileek egindako agerraldia, atzo, Baionan. ©GUILLAUME FAUVEAU

EH Bai Frantziako Legebiltzarreko bozetara aurkeztuko da

Oihana Teyseyre Koskarat

Iparraldeko barruti guztietan izanen dituzte hautagaiak. Gogoeta prozesu bat abiatu dute

Eneko Andueza, artxiboko irudi batean. ©Marisol Ramirez / Foku

PSE-EEk eta Ahal Dugu-k asmoa adierazi dute elkarren arteko harremanak indartzeko

Berria

Anduezak eta Garridok lan erreformaren aldaketa defendatu dute, eta EAJren eta EH Bilduren jarrera kritikatu.

Sorturen bigarren kongresuko itxiera batzarreko irudi bat. 2017an egin zuten. ©Monika del Valle / FOKU

Sortuk «independentziarako konpromisoa» berretsiko du hilaren 22an

Maddi Ane Txoperena Iribarren

Hirugarren kongresuko itxiera batzarra eginen dute, Bilboko Bizkaia frontoian. Nazio Kontseilua eta Nazio Idazkaritza osatuko dituzten kideen izenak orduan jakinaraziko dituzte. «Aldaketa politiko eta sozialerako borroka indartu» nahi dute datozen hilabeteotan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.