Noiz sortua: 2014-02-18 00:30:00

Bertan behera utzi dute inkesta

Paxkal Indo Seaskako presidentea eta beste pertsona bat galdekatu ondoren, inkesta bertan behera utzi du Poliziak
Seaskak elkarretaratzea egin zuen Baionako polizia etxearen aitzinean, sostengua adierazteko galdekatuei.
Seaskak elkarretaratzea egin zuen Baionako polizia etxearen aitzinean, sostengua adierazteko galdekatuei. A.R.

Aitor Renteria -

2014ko otsailak 18

Frantziako Poliziak bertan behera utzi du suprefeturaren aurka arrautzak jaurtitzeagatik hasi zuen inkesta. Paxkal Indo presidentea eta gazte bat galdekatu zituen atzo Baionako polizia etxean. Ordubete pasa iraun zuen galdeketak. Kanpoan, 50 pertsona inguru «Seaskak pairatzen duen jazarpena» salatzeko. Eskuetan, joan den ostiralean plazara atera zuten banderola bera: «Lege bat ikastolentzat».

Otsailaren 1ean Seaskak manifestazioa egin zuen Baionako Suprefetura aitzinean, pairatzen duen egoera salatzeko. Manifestazioan jendeak arrautzak jaurti zituen estatuaren egoitzaren aurka. Manifestazioa bukaturik eta jendea joaten hasia zelarik, Poliziak jende talde txikiak inguratu, eta nortasun agiriak eskatu zizkieten. Ez zieten horren arrazoia azaldu. Astebete pasatu ondoren, Indok eta bi gazte adingabek Poliziaren hitzordua jaso zuten etxean. Deialdian ez zen arrazoirik aipatzen.

Seaska sostengatzera jindakoen txaloen artean sartu ziren Indo eta gaztea Baionako polizia etxera atzo. Oren baten buruan itzuli ziren. «Material zaharkitua dute, ordenagailuak matxuraturik, inprimagailuak ez aitzina ez gibel», azaldu zuen Indok, galdeketa luzearen arrazoia argitzeko. Baina labur jakinarazi zuen Poliziaren inkestak ez duela gerorik izanen. «Ez dutela elementurik, eta bertan behera gelditzen dela inkesta». Hiru pertsonen aurkako inkesta itxi egingo du Poliziak.

Legearen lema

Aspaldian murgiltze ereduari egokitutako lege geriza eskatzen du Seaskak. Hori da, Ipar Euskal Herriko ikastolen federazioaren arabera, egun pairatzen dituen auzibideak saihesteko bide bakarra. Patrick Dallennes Baionako suprefetak Hendaiako ikastola berria egiteko deliberoa auzira eraman zuen. Auzitegi Administratiboak arrazoia eman dio suprefetari, eta Hendaiako Herriko Etxearen deliberoa indargabetu du. Ildo berean, Beskoitzeko (Lapurdi) Herriko Etxearen deliberoaren aurka ere jo du suprefetak. Beskoitzek herriaren lurretan ikastola plantatzen utzi nahi zion Seaskari, alokairu apal baten truke.

Falloux legeak debekatzen du diru publikoa ematea eragile pribatu bati. Laikoa izan arren, eragile publiko baten funtzioa bete arren, Seaska eragile pribatutzat hartzen du legeak, eta, ondorioz, herriko etxeek ezin diote egoitzarik edo lurrik utzi Seaskari. Ataka bakarra utzi dute zabalik suprefeta eta prefetak: merkatuko prezioan alokatzea eta egoitzak edo lurrak saltzea.

Indok usu gogoratu du Seaskaren helburua ez dela eredu pribatu batena eta ez dela haren xedea jabetzak biltzea. «Diru mailan ezinezkoa litzateke, eta, gainera, ez da Seaskaren filosofian sartzen». Seaskak funtzio publiko bikoitza duela gogoratu du: batetik, hizkuntza politikaren eragile nagusi gisa, eta, bestetik, hezkuntza arloan.

Zirkularra eta legea

Seaskaren egoera bideratzeko asmoz gatazka «gainditzeko» zirkularra plazaratuko zuela agindu zuen prefetak. Oraindik ez du argitaratu. Alta, zirkularraren funtzioa legeak aipatzen duena biltzea da. Seaskak duen arazoa bikoitza da, ordea. Batetik, Falloux legearen interpretazio zorrotza, eta bertzetik, murgiltze ereduaren garapena bermatzeko lege gerizarik eza.

Zirkularrak ez duela deus aldatuko dio Seaskak. Suprefetak 2013ko urtarrilean abiatu zuen Hendaiako xedearen aurkako auzibidea. Seaskak dituen ikasleen %90 eta egoitzen %80 Falloux legearen jomugan daude. Egoera hori jasanezina dela dio Seaskak, eta murgiltze ereduen garapena bermatuko duen legearen premia aldarrikatzen du, lehentasunez. Iaz 3.000 ikasleren heina gainditu zuen Seaskak, eta urtero 150 eta 200 ikasle gehiago ditu, 31 egoitzatan banaturik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna