Albistea entzun

Osalanen datuak ezagutzeko eskubidea dute ELAk eta LABek

Laneko segurtasunerako erakundearen «informazioa jakiteko eskubidea» onartu die sindikatu biei Bilboko epaitegi batek

Izaskun Urien Osalanen zuzendari berriari datuak helarazteko eskatuko diote
Elkarretaratze bat Bizkaian, lan istripu batean izandako heriotza salatzeko, 2011n.
Elkarretaratze bat Bizkaian, lan istripu batean izandako heriotza salatzeko, 2011n. ANDONI CANELLADA / ARGAZKI PRESS

Xabier Martin -

2013ko otsailak 16 - Donostia

Osalan Laneko Segurtasun eta Osasunerako Euskal Erakundeko Batzorde Nagusian parte hartzeari uko egin zioten 2010ean ELA eta LAB sindikatuek; baina hala eta guztiz ere, Osalanek biltzen duen informazioa ezagutu eta jarduera sindikalean baliatzeko eskubidea dute. Hala onartu die Bilboko Gizarte Gaietarako 5. Epaitegiak, 2012ko abenduaren 29ko ebazpenean. «Orain arte ukatutako informazioa» eman diezaieten bermeak eskatuko diote Osalanen zuzendari Izaskun Urieni sindikatu biek.

Osalanen Batzorde Nagusian zuten parte hartzeak «benetako balioa» izan arte, eta «gehiengo sindikalaren iritzia kontuan hartzen ez den bitartean» uko egin zioten erakundean egoteari ELAk eta LABek, 2010eko uztailaren 5ean. Hala ere, lan segurtasun eta osasunaren atala jorratu ahal izateko, Osalanen datuak ezagutzeko eskubidea galdegin dute aspaldian, «idatziz nahiz hitzez». Besteak beste, plan estrategikoa, jardueren memoria, kudeaketa plana, deialdiak eta aktak eskatu izan dituzte. Baina arrakastarik gabe. Erakundearen zuzendari ohi Pilar Collantesek «Osalanen edonolako informazioa ukatu zuen», sindikatuek diotenez, «Eusko Jaurlaritzaren aginduak jarraituta».

Eskaera berritu

Hala, auzitara jo zuten, «sindikatu askatasuna» urratzen ari zelakoan. Orain, epaitegiek garbi esan dute Osalanen barruan parte hartzeari uko egin izanak ez duela baliogabetzen erakundearen batzordekide izateko eskubidea. Horregatik, sindikatuek «euren jarduera egiteko beharrezkoak dituzten datu eta txostenak ezagutzeko eskubideari eusten diote», ebazpenaren arabera. Hau da, Osalanen Batzorde Nagusiko beste edozein kidek dituen eskubide berak izango lituzkete ELAk eta LABek

Aurreko Jaurlaritzarekin lortu ez zutena berriarekin lortzen saiatuko dira, orain epaitegien bermea dutela. ELAk eta LABek «Jaurlaritzari eta Osalanen zuzendari berriari, Izaskun Urieni, ebazpena bete eta urratu diren eskubideak gaurkotzeko» eskatu diote.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jeff Bezosek Amazoneko buruzagitza utzi du; besteak beste, Blue Origin espazio bidaien enpresari denbora emateko. ©BLUE ORIGIN / EFE

Enperadore modernoa

Iker Aranburu

Amazonen eskutik, Bezosek patrikak bete ditu, baina, batez ere, iraultza eragin du merkataritzan, eta kaleko erakusleihoetatik etxeko ordenagailuetara eraman du. 1,6 milioi langileko inperio erraldoia bigarren mailan uzten ari da Bezos.
Arantxa Tapia Ekonomiaren Garapenerako sailburua, atzo. ©IREKIA

Jaurlaritzak «masiboki» bultzatu nahi du energia berriztagarria

Julen Otaegi Leonet

Energia berriztagarrietarako trantsizioa bizkortu behar dela uste du Jaurlaritzak, eta hala eskatu dio Espainiako Gobernuari Industriaren energia kontsumoak murrizteko, ezinbestekotzat jotzen du Madrilek bat egitea eskakizun horrekin.

XXI. mendeko apostolua

XXI. mendeko apostolua

Jokin Sagarzazu

Bere ondasun guztiak ekintza filantropikoetarako erabiliko dituela berretsi du Bill Gatesek: izurriteen kontra egiteko, munduko gosea amaitzeko, klima aldaketari aurre egiteko. Haren fundazioaren egitasmoak, baina, auzitan daude aspalditik.

Gudongeko petrolio planta, Txinako Dongying probintzian dago. ©WU HONG / EFE

Petrolioa, atzeraldiaren usainean

Imanol Magro Eizmendi

Upelak bi aste daramatza 100 dolarretik behera, eta Ukrainako gerra hasi zeneko prezioan dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...