Aurrematrikulazio kanpainan murgildu dira ikastolak ere. Beren hezkuntza proiektuaren ezaugarri diren balioak nabarmendu dituzte, Ongietorri ikastolara lelopean. Konfiantzaz mintzatu zen atzo Bilbon Imanol Igeregi, Ikastolen Elkarteko zuzendaria, baita partaidetzaz ere: «Gurean, eskola komunitateak erabaki ere egiten du beren seme-alaben trebakuntzaz; ez da bezero hutsa, titular bihurtzen da».
Nafarroan kanpaina desberdina egin dute ikastolek: Inbertsiorik errentagarriena hezkuntza da leloa duten txartelak zintzilikatu dituzte etxeetako atean, eta bookcrossing mugimendukoek askatutako liburuetan ere txertatu dituzte.
Interesgarria izango zaizu
Nabarmenduak
