Angulemako Komiki Jaialdian 'Mafalda' omenduko dute

Gaur hasi eta igandera bitartean egingo da 41. aldia, eta sari nagusia egileek erabakiko dute epaimahaiaren ordez

Agentziak -

2014ko urtarrilak 30

Joaquin Lavado Quino argentinarrak sortutako pertsonaiak 50 urte bete dituela baliatuz, Mafalda komikia omenduko dute Angulemako 41. Nazioarteko Komiki Jaialdian (Frantzia). Gaur hasi eta igandera bitartean egingo da, eta hiru dira sari nagusia jasotzeko hautagaiak: Bill Waterson estatubatuarra(Calvin & Hobbes), Katsuhiro Otomo japoniarra (Akira) eta Alan Moore britainiarra (Watchment). Aurten, lehen aldiz, epaimahai batek erabaki beharrean jaialdian parte hartuko duten egileek erabakiko dute nor saritu. Komikiari eskainitako munduko jaialdirik inportanteena da Angulemakoa, eta iaz, esaterako, 200.000 pertsona erakarri zituen.

Mafalda neskato konformagaitzaren egilea omenduko dute, baina komikigile argentinarrak ezin izango du jaialdian parte hartu, osasun arazoak medio —81 urte dauzka—. «Urteak igaro diren arren, dimentsio poetikoak eutsi egiten dio, eta neska txiki begiztadunak subertsiboa eta modernoa izaten jarraitzen du», adierazi dute antolatzaileek Mafalda-z.

Jacques Tardi frantziarraren obra ere goratuko dute jaialdian. Izan ere, ehun urte bete dira I. Mundu Gerra hasi zenetik (1914-1918), eta haren biñetak hartan inspiratzen dira. Jaialdiak, gainera, atzera begirakoa eskainiko dio Gus Bofa (1893-1968) ilustratzaile frantziarrari, eta Willem egilearen lanek ere beren txokoa izango dute. Charlie Hebdo astekari satirikoan eta baita Liberatión egunkarian ere publikatu izan ditu bere lanak, eta iaz bera izan zen sari nagusiaren garailea.

Gainera, beste bederatzi sari emango dituzte jaialdian, eta 67 album dira horiek irabazteko hautagaiak. Gaur inauguratuko dute, 2013an Frantzian ale gehien saldu zuen liburua Jean-Yves Ferri eta Didier Conradren Astérix chez les Pictes komikia izan dela jakin ondoren. 1.287.500 kopia saldu ziren guztira. Halere, komikigintzaren negozioak %4,1 egin zuen behera iaz Frantzian —aurreneko beherakada, 1995az geroztik—, 2012ko ekoizpenarekin alderatuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ARGAZKIA: MARISOL RAMIREZ /FOKU - ARGAZKI MONTAJEA: BERRIA

Nora doa euskal kultura?

Amaia Igartua Aristondo

Transmisioa, sustapena, kulturgileen arteko batasuna edota instituzio subiranoak izatea. Horiek dira euskal kulturak etorkizunean dituen erronka kolektiboetako batzuk, BERRIAk galdekatutako zazpi sortzaileen ustez. Batzuetan, sektorearen norabideak bat egiten du bide orokorrarekin; kasu guztietan, lanetan eragiten du.

<em>Hobbita</em> 1937an argitaratu zuen J.R.R. Tolkienek. Goian, lehen edizio haren azalerako sortu zuen irudia. ©EFE / MORGAN MUSEOA

Editorea hobbit zuloan behera

Joannes Jauregi

Urtea bete da Christopher Tolkien zendu zela, John Ronald Reuel Tolkien idazlearen seme eta hil ondoko argitaldaria. Aitaren itzalpean eman zuen bizi osoa, itzal hori lantzen, osatzen eta argitara ematen. Funtsezkoa da haren jarduna ulertzea aitaren balio literarioaz jabetzeko.

Salem 66 taldea da bilduman ageri direnetako bat. ©'STRUM & THRUM' BILDUMA

Tin-tin egiten, hardcore garaietan

Julen Azpitarte

'Strum & Thrum' bilduma argitaratu dute: AEBetako 1980ko hamarkadako hardcore eztandaren itzalpean loratu zen tokiko pop eszenako doinuak bildu dituzte LP bikoitzean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.