Bost euskara-irakasle postu falta direla diote sindikatuek

Irailean ikasle gehiago egonen direla onartu du Paueko akademia ikuskariak, baina ez du postu gehiago emanen

Aitor Renteria -

2014ko apirilak 8

Katti Petrissans SNUIpp sindikatuko ordezkariak jakinarazi duenez, Euskararen Erakunde Publikoak (EEP) eta Frantziako Hezkuntza Ministerioak izenpetu zuten akordioa beteko balitz, bost euskara irakasle gehiago beharko lirateke. Atzo bildu ziren sindikatuak eta akademia ikuskaria, Pauen, heldu den urteko eskola sartzeko irakasle adjudikazioak aztertzeko. Ohi bezala, akordiorik gabe bukatu zen bilkura. «EEP eta Akademiak adostutako akordioa baliatu izan balute, hamar postu gehiago beharko lirateke frantsesean, eta, bederen, bost euskara irakasle gehiago», jakinarazi du Petrissansek.

Irakaskuntza elebidunari dagokionez, aurten ez da irekiko eskola berririk. Herriko bozak izan dira martxoan, eta auzapezek ez zuten irailerako xederik finkatu nahi izan, sindikatuaren arabera. Hizkuntza politikan eragin zuzena duela erran du Pettrissansek.

Anitz dira ikasleak gela bakarrean biltzen dituzten herri txikiak. Kasu horietan, zortzi maila ezberdinetako ikasleak nahasirik egon daitezke, eta eredu elebakarrean eta elebidunean ari direnak elkartuta. Irakasle berak bermatu behar ditu maila guztiak, eta eskolak bi hizkuntzetan eman behar ditu horrelako kasuetan. Gisa horretara, euskaraz diharduen irakaslea frantsesezko erreferentzia ere bada aldi berean.

Eredu indartua

Akademia ikuskariak onartu du aztertzen ari dela eredu indartua ezartzea esperientzia aitzindari gisa Lapurdiko bi herritan: Getarian eta Larresoron. Alta, aurten gisa bereko esperientzia bat egin behar zuten Azkainen, eta akademia ikuskariak ez ditu onartu horretarako behar diren euskara-irakasle postuen erdiak. «Baliabiderik gabe, ezin dira egin murgiltze ereduko esperientziak, eta, azken finean, arriskuan dago eredu indartua Azkainen», nabarmendu du Petrissansek. Irailean Getaria eta Larresoroko esperientziak arriskuan egon daitezkeela azaldu du, Azkainen gertatu den bezala. Akademia ikuskariak ez du iraila baino lehen ebatziko adjudikazioa.

Irakasleak emateko irizpideak gaitzesten ditu sindikatuak. Akordioaren ondorioz, 22 haur behar dira ama eskolako geletan irakasle bat gehiago izateko. 25 haur behar dira lehen mailan. Alta, gelako kopurua zehazteko, eskolaren batez bertzekoa baliatzen da, eta ez bakarrik gela elebiduneko kopurua. «Horrela, kasu anitzetan, bereziki herri txikietan, ezinezkoa da gela elebidunak irekitzea». Bertze arazo bat badago, kopuruei dagokienez. Izan ere, akademia ikuskaritzak ez ditu zenbatzen urtarriletik aitzina 3 urte betetzen dituzten haurrak. Azkainen eta Arrosan, okupazioak eginen dituzte eskolan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnari falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Bilboko Birjinetxe zentroa. Bertara eraman dituzte positibo eman diuten egoiliarrak. ©Raul Bogajo/FOKU

Gallartako zahar etxe batean 16 positibo atzeman dituzte

Berria

11 egoiliar eta bost langile kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna